"Алдағы үш жылда жалға берілетін 13 600 пәтер салынады"

Халықтың тұрғын үйге қолжетімділігін арттыру мақсатында 2016-2018  жылдары жалға берілетін, 817 мың шаршы метрді құрайтын 13 600 пәтер салынады немесе сатып алынады. Бұл туралы бүгін Парламент Мәжілісіндегі Дағдарысқа қарсы шараларға арналған Үкімет сағатында ҚР Ұлттық экономика министрі Ерболат Досаев осылай мәлім етті.

«Бұдан бөлек, «Тұрғын үй құрылыс жинақ банкі» АҚ клиенттерінің салымына қатысты өтемақыны қамту қарастырылады. Бұл ретте Үкімет резервінен 2016 жылы 20,9 млрд, 2017 жылы 16 млрд теңге бөлу көзделіп отыр. Сонымен қатар, Тұрғын үй құрылысы саласында үлестік салымдарды кепілдендіру қорын құру мақсатында «Бәйтерек» холдингінің жарғылық капиталы он миллиард теңгеге артады», - дейді Е. Досаев.