Қырғызстан Қазақстанға гуманитарлық көмек жібереді

Қырғызстан Қазақстанға су тасқынына байланысты гуманитарлық көмек жібереді. Бұл туралы Қырғызстан министрлер кабинетінің төрағасы Ақылбек Жапаров мәлімдеді.

"Олар бізден көмек сұрамаса да, бұл жағдайда гуманитарлық көмек жібереміз деп шештік. Мен осы сәтті пайдаланып Өзбекстан, Түркіменстан және Қазақстанға алғысымды білдіргім келеді. Президенттің көрші елдермен жүргізіп отырған достық саясатының нәтижесінде олар біз сұрамай тұрып-ақ, Бішкек жылу электр орталығында болған апаттан кейін көмек қолын созды", — деді ол.

Сонымен қатар, Ақылбек Жапаров көмек ретінде негізінен отандық өнімдер жіберілетінін айтты.