25 мамырға арналған ауа райы болжамы

Қазгиддрометтің хабарлауынша, солтүстікте, шығыста және орталықта атмосфералық фронттардың өтуіне байланысты Қазақстанның кей жерлерінде жаңбыр жауады, найзағай болады, жел күшейеді, шаңды дауыл болады, бұршақ болуы мүмкін.

Республиканың кей жерлерінде найзағай, желдің күшеюі, шаңды дауыл, тұман күтіледі, солтүстікте бұршақ жаууы мүмкін.

Солтүстік-Қазақстан, Қостанай, Ақмола облыстарында жел 15-20 м/с күшейеді, дауыл болады, бұршақ болуы мүмкін. Шығыс Қазақстан, Павлодар, Атырау, Қызылорда, Маңғыстау, Жамбыл, Оңтүстік Қазақстан, күндіз Қарағанды, Ақтөбе, Батыс Қазақстан облыстарының кей жерлерінде жел 15-23 м/с күшейеді,  Оңтүстік Қазақстан, Маңғыстау, Батыс Қазақстан, Ақтөбе облыстарында шаңды дауыл болады.

Күндіз Ақтөбе облысының кей жерлерінде қатты ыстық күтіледі.

Түнде Алматы, Шығыс-Қазақстан облыстарының кей жерлерінде 3 градусқа дейін үсік күтіледі.