2018 жылы қанша білім гранты бөлінгені белгілі болды

Биыл бакалавриатқа 50 894 грант бөлінсе, магистратураға 13 мыңнан астам грант қарастырылған, деп хабарлайды Qamshy.kz ақпарат агенттігі.

— 2017 жылы соңғы жылдарға қарағанда алғаш рет жоғары білімі бар кадрларды даярлауға арналған гранттар саны 10 мыңға артты. ҚР Білім және ғылым минитсрі  айтқандай, биыл мемлекет басшысының тапсырмасымен кадрларды даярлауға арналған гранттар саны тағы 20 мыңға артты. Сәйкесінше алдағы оқу жылында жалпы алғанда 66 мыңнан астам орынды құрап отыр. Атап айтсақ, бакалавриатқа 50 894, магистратураға 13 220, докторантураға 2275 грант. Бұл өткен жылға қарағанда бір жарым есеге артық", — деді жоғары және жоғары оқу орнынан кейінгі білім департаменті директорының орынбасары Светлана Ысмағұлова.