Бишімбаевтың сотына ресейлік журналист Ксения Собчак келді

Өз әйелін өлтірді деп айыпталып жатқан экс-министр Қуандық Бишімбаевтың сотына ресейлік журналист Ксения Собчак келді. 

Ол сот отырысына қатысып, осы оқиға бойынша арнайы бағдарлама түсіру үшін арнайы ұшып келген. Бұған дейін журналист Telegram арнасында Бишімбаев соты туралы пікірін білдіріп, жазба жариялаған болатын. 

Айта кетейік, Ксения Собчак – "Осторожно, новости", "Осторожно, Собчак" атты  жобалардың авторы. Оның instagram желісінде 10 миллионға жуық оқырманы, "Кровавая барыня" атты Telegram арнасы бар. Ресей билігі Украинаға басып кіргеннен кейін Собчак соғысқа қарсы шығып, уақытша елден кеткенін мәлімдеген болатын.