Тәжікстан Қазақстанға гуманитарлық көмек жіберді

Сарыағашта су тасқынынан зардап шеккен тұрғындарға гуманитарлық көмек тапсырылды. Гуманитарлық көмекті Тәжікстан Төтенше жағдайлар комитетінің басшысы Абдухалим Назарзода өзі тапсырған.

"Гуманитарлық көмек ретінде Дүшанбе мен Худжандтан азық-түлік, ауыз су, құрылыс материалдары мен үйлердің шатырын қамтитын, жалпы салмағы 3,5 мың тоннаны құрайтын 61 вагон мен 13 жүк көлігі жөнелтілді"- делінген Тәжікстан ТЖК хабарламасында.

Қазақстан төтенше жағдайлар министрінің бірінші орынбасары Тәжікстанға алғысын білдірді.